主持嶄新攞苦嚟辛，口窒窒膽粗粗，窺探日本極道，跟住「大佬」搞呢搞路；擂台挑機真拳手、深夜追擊暴走族、快閃黑道防彈屋、壘球約戰山口組、扮教父見黑手黨、劊「指」手家法奉养⋯⋯內容踩界，拍之而後快！收視險中求，台前幕後吃盡苦頭；笑聲背後剖開黑道憂慮哀愁，奉勸众人做個好一番。節目籌備一年，打造可能係電視史上最「惡」嘅搞笑綜藝節目。